بوعرقوب

بوعرقوب

لأن الانسانيّة لا تتجزّأ

تحيا بوعرقوب وتتنفّس وتعيش، المعتمدية المزيانة واللّي فيها إمكانيات كبيرة وواعدة

تحيا بوعرقوب وتتطوّر وتتقدّم كي نواصلو في إنجاز مشروع المدينة الصناعيّة “حشّاد” واللّي تمتدّ على 81 هكتار وفيها فضاء للتكوين لـ 2500 طالب وفضاء للبحث وفضاء للإنتاج والتثمين فيه محضنة للمؤسسات ومنطقة إنتاج على 21 هكتار.

تحيا بوعرقوب وتتعافى كي نسرّعوا في إنجاز مركز “حياة” وتركيز محطة إنتاج الطاقة الشمسية النظيفة والمستدامة.

تحيا بوعرقوب وترتقي في مؤشر التنمية كي نفكّو العزلة عن حومها خاصّة كيف تصبّ المطر، مش معقول أولادنا ينقطعوا عن الدراسة ومش مقبول تتعطّل مصالح المواطن في كلّ مرة.

برنامجي لبوعرقوب يتلخّص في :

  1. متابعة إنجاز مشروع المدينة الصناعية مع كل المتدخّلين حتى ترى المدينة هاذي النور في أقرب الآجال.
  2. التدخل على المستوى الجهوي بش بوعرقوب تاخو حقّها من الإعتمادات المرصودة في برامج التنمية وهذا حقّ مش مزيّة.