قرمبالية

قرمبالية

لأن الانسانيّة لا تتجزّأ

تحيا قرمبالية وتعيش، بلاد العنب والكرموص، بلاد الخير والخمير وبلاد النّاس الطيّبين.

تحيا قرمبالية وتتنفّس كيف نطوّروا المرافق الصحيّة، كي يولّي المستشفى المحليّ مستشفى جهويّ يجيوه من كلّ المعتمديات، من بني خلاّد ومن تاكلسة ومن منزل بوزلفة وحتّى من سليمان..

تحيا قرمبالية وتتعافى كي نوفّروا جميع الإختصاصات في المستشفى ونجيبو المعدّات اللازمة ونوفّروا الطاقم الطبّي في الأقسام الكلّ..

تحيا قرمبالية ويتحفظ تاريخها كي نثمّنوا المواقع الأثرية اللّي فيها كيما الموقع الأثري بعين طبرنق اللي حالتو ولاّت تبكّي الحجر، آثار رومانية ترمز للذاكرة الوطنيّة وللحضارة متع بلادنا اليوم مهمّشة ومتروكة لين كلاها الدهر.

تحيا قرمبالية وتشيخ وتزهي كي نطوّروا مهرجان العنب ونرجّعولو إشعاعو وقيمتو،

كي نطوّروا القطاع الفلاحي وإنوّعوا منتوجاتنا ونعطيو الفرصة للنساء الفلاحات بش يعرضو منتوجاتهم مباشرة للمواطن من غير ما يتعداو بوسيط غايتو الأولى والأخيرة الربح الماديّ

برنامجي الإنتخابي لقرمبالية يتلخّص في :

  1. تحيين دراسة المستشفى الجهويّ بقرمبالية
  2. إعادة تهيئة الموقع الأثري بعين طبرنق
  3. إدماج النساء الحرفيّات في الدورة الإقتصادية وإحياء مهرجان العنب