تاكلسة

تاكلسة

لأن الانسانيّة لا تتجزّأ

تاكلسة تحيا وتعيش كيف نطوّروا القطاع الفلاحيّ ونحلّو المشاكل العقّارية للأراضي الفلاحيّة ونوزّعوا المقاسم على شباب الجهة بش ينتج ويستثمر في معتمديّته.

تاكلسة تحيا وتتنفّس كيف نسترجعوا الفيرمات المهجورة ونثمّنوها ونوزّعوها على حاملي الشهائد العليا وأبناء الفلاّحين الشبّان يعملوا فيها مشاريع جديدة تخدّم بنات وأولاد تاكلسة.

تاكلسة تتطوّر وتعيش كيف نعمّموا برنامج “رائدة” على كلّ النساء الفلاّحات يولّيو يتمتّعوا بالتغطية الإجتماعية والنقل اللائق ويثمّنوا منتوجاتهم اللّي يشريوه الوسطاء من عندهم بالرّخص ويبيعوه بالغلاء.

تاكلسة تتنفّس وتعيش كي نعاودو نهيّؤوا البنية التحتيّة في جبّوزة، مش معقول عمادة كاملة ما فيهاش نقل وموش مقبول صغيّراتنا يقطعوا 4 كلم صيف وشتاء بش يوصلو للمدرسة.

تاكلسة تحيا وتعيش كي نطوّروا السياحة بالمنطقة، من مرسى الأمراء للمنقع لواد العبيد للرتيبة، بحورات عندها إمكانيات كبيرة ياسر،لازم مشروع سياحيّ كبير، نزل وديار ضيافة ومطاعم ومحلات تجارية، تحيا تاكلسة وتعيش وتتنفّس ويخدموا أولادها وبناتها وحلمهم بالخروج من تونس ينساوه.

تاكلسة تحيا وتعيش كي نربطو المنطقة الصناعية بالـ ONAS  ونردّوها منطقة صناعية تحويلية تخدم مشتقات القوارص والعنب والزيتون.

برنامجي لتاكلسة يتلخّص في :

  1. تعميم الربط بقنوات التطهير على كل عمادات تاكلسة
  2. التسريع في نشر الأوامر التطبيقية وتوضيح صبغة الأراضي كي يصبح توزيعها ممكن
  3. التسريع في إنجاز مشروع قربص الكبرى السياحيّ الممتدّ من عين أقطر إلى الرتيبة